Додситони кулли Тоҷикистон гуфт, даҳҳо “майнинг-ферма”-ро ошкор кардаанд, ки “ғайриқонунӣ ба тавлиди асъори рақамӣ (криптовалюта) машғул буданд”. Ба иттилои Ҳабибулло Волҳидзода, соҳибони ин дастгоҳҳои пулсозии рақамӣ ба миқдори қариб 39 миллион сомонӣ барқро пинҳонӣ истифода бурдаанд.
Як тасмими “Толибон” сабаб шудааст, ки Тоҷикистон як бозори муҳими содироти ангиштро аз даст бидиҳад. Ин гурӯҳи ҳоким бар Афғонистон аз Душанбе хостааст, барои ҳар тонна ангишти содиротӣ 40 доллар “таърифаи транзитӣ” бипардозад. Хабарро Шералӣ Кабир, вазири саноат дар ҷамъи хабарнигорон эълон кард.
“Як бор дар ин роҳ рафта биёям, ба мисли латтакӯҳна мешавам. Бисёр хаста мешавам. Вақти хоб тамоми аъзои баданам дард мекунад." Ин тасвири Абдусаломи ҳафтодсола аз вазъи роҳи байни шаҳри Хуҷанд ва ноҳияи Ашт аст.
Додгоҳи олии иқтисодии Тоҷикистон муҳлати барҳамдиҳии “Агроинвестбонк” ва “Тоҷиксодиротбонк”-ро то моҳи июни соли 2027 дароз кард. Намояндагони додгоҳ гуфтанд, мудирони махсус давоми ду соли оянда бояд амволи бонкро фурӯхта, пули амонатгузоронро баргардонанд.
Аксари мардуми Тоҷикистон аз шодии поёни маҳдудияти зимистонии барқ сер нашуда, ба ғами бебарқиҳои тобистонӣ гирифтор шудаанд. Масъулони бахш аз гармо то тарҳу лоиҳаҳои навро баҳонаҳое баро ин бебарқӣ метарошанд.
Як муассисаи байналмилалии молӣ мегӯяд, иқтисоди Тоҷикистон соли гузашта ва имсол рушди қавие доштааст, вале идомаи ин раванди мусбат ба азми ҳукумат барои идомаи ислоҳот вобаста аст.
Солона садҳо ҳазор нафар аз мардуми Тоҷикистон барои кор ба хориҷ ва бахусус ба Русия мераванд ва аксаран аз ноилоҷӣ. Ҳукумати Тоҷикистон чӣ кор мекунад, то пеши роҳи муҳоҷирати оммавиро бигирад ва ё онро ба раванде табдил бидиҳад, ки муҳоҷир худаш огоҳона биравад ва ҳуқуқаш ҳам зери по нашавад?
Раиси Кумитаи сохтмони Тоҷикистон мегӯяд, нархи хона дар шаҳри Душанбе ба таври назаррас боло рафтааст. Ба омори расмӣ, нархи миёнаи як метри мураббаъ манзил дар пойтахти Тоҷикистон феълан 800 доллар аст. Сокинон мегӯянд, харидани манзил дар пойтахти Тоҷикистон рӯз то рӯз мушкил мешавад.
Ёфтҳои бештар
